Txina: 5.000 urte
Wu Changshi, Arrosa basatiak eta mizpirak
Gao Jianfu, Lau urtaroetako loreak
Iruzkinak
Wang Zhen, Patua
- Izenburua:
- Wang Zhen, Patua
- Erakusketa:
- Txina: 5.000 urte
- Gaiak:
- Arte orientala | Genero-margoa | Budismoa | Herri-kultura | Txina | Tradizioa
- Artelan motak:
- Pintura
- Aipatutako artistak:
- Wang, Zhen
Erroiluetako baten gaia makila eta poltsadun itsua da. Makila eta poltsa luze-luze eta zabalik ditu eta limosna eskean dabil. Beste erroiluan, merkataria abakoari helduta ageri da, morroia beraren ondasunekin hurbil-hurbiletik darraion bitartean.
Kaleko pertsonaiak, hondorik gabeko paperean isolatuak, tradizioko gaiak ziren. Baina irudi horiek lerro bereziki azkar, solte eta berezkoen bitartez irudikatuta daude. Wang Zhenek kaligrafiaren azterketarekin lotu ohi den pintzelkada erakusten du.
Lanak Patua du izenburua. Itsua ¾errealitatean gertatzen zen bezala¾ azti edo igarlea da. Abakoa ere igarleen ikurra da. Izan ere, bera ez zen kalkulatzeko bakarrik erabiltzen, baita etorkizuna iragartzeko ere.
Irudien alboko inskripzioek irudikatu gura duten puntua agertzen dute: etorkizuna aurrez esatea ezinezkoa delakoa. Wang Zhen budista izanez aparte Wu Changshiren dizipulua ere bazen. Baliteke zuek maisu hori beraren ikasleetako batek egindako erretratu batean bananondo baten pean eserita ikustea. Wu Changshi ez zetorren bat Wang Zhenen sinesmenekin, eta bilkariei bere inskripzioak ekarri zizkien. Hortaz, bilkariok bi pintoreen eta berauen miresleen arteko eztabaidagaiak izatera pasatu ziren.
Bere budismo sutsua gora-behera, Wang Zhen arrakasta handiko negozio-gizona izatera heldu zen Shanghaiko mundu ekonomiko nahasian. Izan ere, Wu Changshiri lagundu zion zahartzaroan, haren hileta-elizkizunak ordaindu zituelarik. Laguntza hori patuaren gora-beheretako zuzeneko esperientziari dagokio.