Txina: 5.000 urte
ATAL MODERNOA. Ren Xiong, Autorretratua
Ren Yi, Bananondoaren itzalpe freskoan
Iruzkinak
Ren Yi, Irudi, txori eta loreen albuma
- Izenburua:
- Ren Yi, Irudi, txori eta loreen albuma
- Erakusketa:
- Txina: 5.000 urte
- Gaiak:
- Mitoak | Arte orientala | Qing aldia | Txina | Tradizioa
- Artelan motak:
- Pintura
- Aipatutako artistak:
- Ren, Yi
Lan txiki hauek Ren Yi pintorearen albumeko orriak dira. Pintore horrek Shanghai-n lan egin zuen hemeretzigarren mendearen bigarren erdialdean, atzerriarekiko merkataritza eskualde horretako artistak mendebaldeko artearekin harremanetan jartzen ari zenean. Txinako pinturaren tradizioko teknikei eutsita ere, Ren Yi pintoreak mendebaldeko anatomi marrazketaren arauak hartzen hasi zen. Herriko narrazioak, mitoak eta legendak irudikatzea atsegin zuen: klase orotako pertsonei interesatzen zitzaizkien gaiak agertzea gustatzen zitzaion.
Ikusten al duzue gizona astoaren gainean? Irudiak, berez, ez ditu betetzen Mendebaldeko pinturaren anatomiari buruzko arau batzuk. Izan ere, aurpegia sakontasunez eta itzalez margotuta dago; itzal horiek apur bat exageratuta daude. Ageri diren irudi guztiak daude horrela margotuta. Gizonaren lepoa luzeegia da eta beraren jarrera nabarmentzen duelarik. Pertsonaia bakoitza argi eta bizitasunez ageri da. Eszena guztiak sinpleak dira, baina konposizioak arretaz diseinatuta daude. Obra guztiek ohi ez bezalako koloreak dituzte.
Ikus ezazue haitz-tokiaren ondoan belauniko jarrita dagoen gizonaren lana. Haren aurpegiak sakontasuna du, harengandik hurbileko haitzak tradizioko pintzelkada txinatarraz margotuta daude. Pintzelkada hori oso solte eta askea da, eta badirudi trazuak arduragabeki aplikatuak izan direla. Jakina denez, hori ez da egia. Ren Yi, nahita, estilo lasaia lantzen saiatu zen, antzinako maisuak aztertu izanaren eraginpean. Berak esaten zuenez, “pintura sortzeak izpiritua bera osatzea bezalakoa izan behar du eta ez du kaligrafi idazkeraren ezberdina izan behar”.