Txina: 5.000 urte
Luo Zhongli, Aita
Wang Mengqi, Jakitun bikainak
Iruzkinak
Zhou Changjiang, Zuhaitz genealogikoa
- Izenburua:
- Zhou Changjiang, Zuhaitz genealogikoa
- Erakusketa:
- Txina: 5.000 urte
- Gaiak:
- Gizakia | Arte orientala | Artea eta politika | Kritika | Sorkuntza artistikoa | Txina | Tradizioa
- Artelan motak:
- Pintura
- Aipatutako artistak:
- Zhou, Changjiang
Lan liluragarri hau familia baten historiaren grafikoa taxutu egiten duten argazkiak oinarri harturik osatuta dago. Edozein argazki-albumetan ikus daitekeen grafikoaz ari gara. Hortik dator Zuhaitz genealogikoa izenburua. Baina irudiok askotarikoak dira, anonimoak, itxuraz ausaz aukeratuak. Ez dago izenik ez erretratuak identifikatzeko modurik, eta haien arteko lotura edo harremanak suposatu edo asmatu bakarrik egin ahal dira. Istorio-zati hutsak dira, lan batera bilduak.
Esan daiteke ezen artistak alegiazko familia bakarraren zuhaitz genealogikoa sortu duela. Baina, jakina, bertako irudiek sendi txinatar guztiak edo pertsona txinatarrak oro sendi bakarraren gisan irudika litzakete. Erakusketan dagoeneko ikusi dugunez, beste artista batzuk horixe egiten saiatu dira, oso era ezberdinera baina, eskaera politikoak betetzeko erretratu idealizatuak erabiliz.
Kontraste nabarmenean, lan hau txit anbiguoa da. Familiaren baitako antzinako eta tradizioko indar txinatarra gogoratzen du, Alderdi Komunista den familia nagusi horren eskaeren menpean jarri dena. Hori dela eta, erantzunak eman barik, galderak sortzen dira. Hau al da Txinako historia? Ezabatu al du historiak gizabanakoa? Ez du zentzurik ala guztiek beretzat har dezakete?
Maoren heriotzaz geroztik igarotako bi hamarkadetan, artistek aldaketa azkarreko garaietan jendea larritzen duen zalantza islatu dute, eta irudi misteriotsu eta obsesibook ikertzeko gogo horren zati dira.