Txina: 5.000 urte
Kai Liang, Zuzien desfilea Yan’an-en
Shi Lu, Borrokan iparraldeko Shuanxin
Iruzkinak
Sun Zixi, Tiananmen aurrean
- Izenburua:
- Sun Zixi, Tiananmen aurrean
- Erakusketa:
- Txina: 5.000 urte
- Gaiak:
- Arte orientala | Artea eta politika | Eragin artistikoa | Komunismoa | Herri-kultura | Txina
- Mugimendu artistikoak:
- Errealismo sozialista
- Artelan motak:
- Pintura
- Aipatutako artistak:
- Sun, Zixi
Langile irribarretsuen taldea kamerarako jarrita dago nazioaren bihotzean, Tiananmengo plazan. Albo bietan beste talde batzuk ikus daitezke, gauza bera egiten; ezkerrean beste probintzia bateko nekazariak ikus ditzakegu; eskuinean marinel talde bat dago lehorrean, bertan egoteko baimena dutelarik. Guztiak familia handi eta zoriontsu berekoak izatearen kidetasuna ospatzera datoz.
Koadro hau, hirurogeiko hamarkadaren erdialdean margotua, estatuaren kontrolpeko artearen estilo-aldaketaren erakusgarria da. Bertan ikus daitekeenez, artista sobietarrengandik orokorrean hartua zen errealismo sozialistari zapore txinatarra ematen saiatu zen.
Koadro honetan herriko artearen elementuak sartu dira. Atzealdea osatzen duten eta ongi nabarmenduta dauden hodeiak eta eraikinak, kolore distiratsuak eta osotasunaren sentsazio laua, nolabait, Urte Berriko tradizioko pinturekin lotuta dago, udaberriko jaialdian ateetan zintzilikatzen den eta augurio oneko heroi eta irudiak irudikatu ohi dituen herriko artearekin. Irudien kamera aurreko jarrera zutikakoak tankera hau gogorarazten du nahita.
Gaia ere aldatu egin da. Lehen pinturak burua edo soldaduaren heroi gisako eskaintza goretsi ohi zuten; orain Txinako hiritar irribarretsua irudikatzen du. Berrogeita hamarreko hamarkadaren bukaerako krisi ekonomikoetan orokortutako oinaze eta urritasunek eragindako izpiritu-aspertasunari aurre egiten saiatu beharra dago.
Jakina denez, Maok nonahikoa izaten dirau. Taldearen atzean harresiaren gainean ageri den erretratuari esker, berari aita-irudi bezala lotu zaio, irribarre bera agertuz eta familia beraren parte delarik.