Txina: 5.000 urte
Gao Jianfu, Lau urtaroetako loreak
Zhang Dagian, Loto gorria
Iruzkinak
Gao Jianfu, Iztupa baten hondakinak Birmanian
- Izenburua:
- Gao Jianfu, Iztupa baten hondakinak Birmanian
- Erakusketa:
- Txina: 5.000 urte
- Gaiak:
- Arte orientala | Eragin artistikoa | Kolorea | Konposizioa | Paisaia | Budismoa | Birmania | Txina
- Artelan motak:
- Pintura
- Aipatutako artistak:
- Gao, Jianfu
Pintura honetan Birmaniako tenplu zahar baten aurriak ikus daitezke. Iztupa hori budistek eraiki zuten erlikia sakratuak gordetzeko.
Harrizko dorre bakoitzaren muturrean, kanporantz begiratzen duten animalien irudiak irudikatzen dituzten estatuak daude, argitzala arakatuz. Haien hieratismoak utzikeria- eta gainbera-sentsazioa azpimarratzen du. Hodeiertzean, pagodez harago, beren habietara itzultzen ari diren hegaztiak arratseko zeruan desagertzen dira, gainerakoa mugitzen ez den bitartean.
Koadro hau Gao Jianfuk margotu zuen 1934an eta bertako giroak, nonbait, aurreko urtean haren anaia hiltzeagatiko mina islatzen du, baita Txinan zegoen etengabeko kaos politikoarengatiko eta, zehazki, Mantxuriako inbasio japoniar berriarengatiko haren etsipena ere. Gao Jianfuren anaia ere pintorea izan zen.
Lehen planoan kokatuta dagoen zuhaitza ikusiz gero, jakingo dugu tradizioko era txinatarrean irudikatuta dagoela. Tinta-pintzelkada lau eta ilunak ditu. Baina, beraren atzetik, tenpluko harriak, inguruko landareak eta ilunabarraren kolorearen lausoketa fina mendebaldeko estiloko urmargo-tekniken ondorio dira.
Gao Jianfu, eszena hau margotu zuenean, indiar azpikontinentetik zebilen eragin berrien bila. Hark berak deskribatu zuen nahi hori:
“Nire ustez, ez ditugu mendebaldeko pinturaren elementuak sartu behar. Pintura indiarrean, egiptoarrean, pertsiarrean edo beste herri batzuetako maisu-lanetan elementu onik badago, horrelakoak ere sartu egin behar ditugu gure pintura joriagoa izan dadin.”
Baina, ezinbestean, eragin zabalagoak erruz onartu zirela eta, Txinako pinturaren berezko elementuek behera egin zuten eta ateratako konbinazioa era traketsean ageri da bertan.