Txina: 5.000 urte
Brontzearen atala. Miniaturako gurdia, gizaki zaindariekin, haietako bat hankamotza, txoriekin eta hartz makurrekin; mendebaldeko Zhou aldia
Brontzearen atala. Mokoan arraina duen antzararen itxurako lanpara; mendebaldeko Han dinastia
Iruzkinak
Brontzearen atala. Oin karratuko ontzia, loto-petaloko koroa eta kurriloa; ekialdeko Zhou aldia
- Izenburua:
- Brontzearen atala. Oin karratuko ontzia, loto-petaloko koroa eta kurriloa; ekialdeko Zhou aldia
- Erakusketa:
- Txina: 5.000 urte
- Gaiak:
- Arte orientala | Luxua | Espiritualtasuna | Zhou aldia | Txina | Brontzea | Tradizioa | Boterea
- Teknikak:
- Argizari galduko galdaketa
- Artelan motak:
- Eskultura-objektua
1923ko udan, ekialdeko iparraldeko lurjabe batek, Zhou dinastiaren antzinako hiriburutik gertu patina zulatzen ari zelarik, brontzezko ehun ontzitik gora zeuden altxorra azaleratu zuen; hemengo pieza bikain hau haietako bat duzu.
Seguruenik ere, agintedun familia ahaltsu batentzat egin zuten; irudiek izugarri bizi dirudite. Ematen du oinaldeko felino adardun erpekariak zamarekin joateko prest daudela ... suge antzeko alegiazko izakiak narras ari dira hegaletan zehar ... eta gainaldean txoriak eta dragoiak nahas-mahasean ageri dira, iskanbila sentsazioa areagotuz. Estalkian, alegiazko animalien nahaspila horren buruan, kurrilo errealista bat ageri da...pausaturik dago eta hegoak belar garaiaren gainean zabaldurik ditu.
Ontzi hau maisu-lana da; brontzezko ontziak lehengo erritu-eginkizuna galtzen hasita zeuden garaian sortu zuten, batik bat apaingai gisa erabiltzen ziren garai batean.
Hain itxura miresgarria duen ontzia sortzeko, brontze-langileek ordura arte ez bezalako arazoak izan zituzten. Nahiz eta ontziaren gorputza elkarri jositako molde-piezen bidez egin, hegaletako izaki narraskarien adar bihurrak aparte galdatu zituzten, seguruenik, eta horretarako “argizari galduko galdaketa” izeneko teknikaz baliatu ziren. Argizaria erraz lantzen denez, artistak lehenbizi argizariz sortzen zuen irudia eta gero buztinez janzten zuen. Ondoren, pieza berotu egiten zen, eta argizari urtua buztinezko moldean egindako zuloetatik irteten zen. Hala, barrunbe konplexu eta korapilatsua prestatzen zuten, eta ondoren galdatzaileek brontze urtuz betetzen zuten.