Txina: 5.000 urte
Pinturaren I. atala. Shang Xi; Xuande enperadorea irtenaldi batean; Ming dinastia; esekitzeko bilkaria
Pinturaren II. Atala. Bada Shanren; Ahateak eta lotoak; 1696; Hongren; Haitzak eta amildegiak Jiuqin; Qing dinastia; esekitzeko bilkaria
Iruzkinak
Pinturaren I. atala. Wen Zhengming; Benetako bereizmenari buruzko azterlana; Ming dinastia; esku-bilkaria
- Izenburua:
- Pinturaren I. atala. Wen Zhengming; Benetako bereizmenari buruzko azterlana; Ming dinastia; esku-bilkaria
- Erakusketa:
- Txina: 5.000 urte
- Gaiak:
- Arte orientala | Forma | Konposizioa | Materiala | Genero-margoa | Paisaia | Ming aldia | Txina
- Artelan motak:
- Pintura
- Aipatutako artistak:
- Wen, Zhengming
Ming dinastiaren agintaldiko erdi aldean, hegoekialdeko Suzhou hiri ederra Txinako hiririk oparoena ezezik artearen hiriburua ere bazen; bertan, bai pintore profesionalak bai aditu amateurrak aspaldiko familia aberatsen eta goraka ari ziren merkatarien zaindaritzan ari ziren lanean. Wen Zhengming, nobleziako familia baten sortua, aditu amateurretatik ospetsuena eta arrakastatsuena izan zen. Beijing-en zorigaiztoko urte gutxi batzuk igaro ondoren, Suzhoura itzuli zen; harrezkero, bere bizitza luzea arteari eta irakaskuntzari emana igaro zuen. Hastapenetan, Wen amateur gisa aritu zen pintatzen, baina geroago, beste batzuk legez, ondasun eta zerbitzuen truke-sistema konplexu baten barruan sartu zen, eta haren bidez onura materialak eskuratu zituen bere lanaren ordainean.
Villa asko pintatu zituen, jabeek eskaturik, eta pintatu eren oso idealizaturik egiten zituen. 1549ko esku-bilkari honetan villaren jabea etxean eserita ageri da, bisitari batzuei abegi egiten. Gizonaren aberastasunaren eta gustuaren adierazgarri, brontzezko ontziak, bilkariak eta liburuak ikusten dira estudioan, eta lorategiak ere horixe adierazten du, bertan miragarri narriatutako haitzarrak baitaude, handik hurbil dagoen Taihu edo Laku Handiaren urertzetatik ekarriak; haitz horiek lorategietan ezartzen ziren, berezko eskulturak balira bezala. Zhengmingek harreman formalak sortu zituen haitz horien jite bitxien eta pinuen eta beste zuhaitz batzuen artean (batzuk bihurriak, batzuk leunak eta beste batzuk zuzenak), eta abstrakturik gertu dagoen diseinua eman zion konposizio osoari, egun harrigarri modernoa iruditzen zaiguna.