Txina: 5.000 urte
Pan Tianshou, Ateri, euriaren ondoren
Shen Jiawei, Gure Aberri Ama handia zaintzen
Iruzkinak
Lin Yong, Lan bikaina! (Hunango nekazarien mugimendua ikertzen)
- Izenburua:
- Lin Yong, Lan bikaina! (Hunango nekazarien mugimendua ikertzen)
- Erakusketa:
- Txina: 5.000 urte
- Gaiak:
- Arte orientala | Arte eta iraultza kulturala | Artea eta politika | Kolorea | Komunismoa | Txina | Mao Zedong
- Artelan motak:
- Pintura
- Aipatutako artistak:
- Lin, Yong
Koadro honek Lan bikaina! eta “Hunango nekazarien mugimendua ikertzen” ditu izenburu eta azpizenburu, hurrenez hurren. Mao gaztea nekazarien iraultza-prestakuntza 1920ko hamarkadan ikuskatzen erakusten du. Lin Yongek margotu zuen Kultur Iraultzan.
Kultur Iraultza Txina modernoa nahigabetu duen eta gizakiak eragindako hondamendirik handienan izan da apika. Hirurogeiko hamarkadaren erdialdetik hirurogeita hamarreko hamarkadaren erdialdera bitartean, gobernuaren funtzionaririk eta pertsonarik gehienak, ikasiak eta adin ertainekoak edo zaharrak zirenetarik gehienak, pertsegituak edo lan behartuetarako arloetara bidaliak izan ziren eta herria funtsik gabeko ankerkeria, bortizkeria eta hondamenezko kaosaren menpean jarri zen.
Epealdi horretan Mao Zedongenganako gurtza etengabe sustatu zen. Lin Yongek lan hau egin zuen gai historikoei buruzko pintoreentzako ikastaro batera zihoan bitartean. Ikastaro hori Maok 1920ko hamarkadan zuzendutako eskola iraultzaile baten egoitzatik hurbil emana zen. Eskola ohorezko liderraren santutegi bihurtua izan zen, eta pintura jainkoespen mota bera burutzeko zen.
Maoren irudi lasaia, jantzi sinple batez jantzia, mugimendu- eta kolore-zurrunbiloaren gune tinkoaren moduan ageri da zutik. Beraren jarraitzaileen keinu dramatikoek, banderen eta jantzien kromatismo joriak eta konposizio ikusgarriak ikusleak erakarri eta lider santutuaren erabateko onberatasunaz konbentzitu gura dituzte.
Pintura honek artistaren uste sendo eta sakona erakusten du, baina estilo distiratsu eta artifiziala funtsean estatikoa da, eta aurreko hamarkadako heroi-erretratuetara itzularazten gaitu. Kultur Iraultzan zehar, arte-espresioa lehen baino are era hertsiagoan kontrolatua zen. Liderra irudikatzeko akatsik txikienak ere artista arriskutan jar zezakeen. Alabaina, Lin Yong bezalako pintore gazteak iraultza berriaren berotasunaren gatibu ziren eta grinak haiek zirrara egiten zuten hau bezalako lanak sortzera eraman zitzakeen artean.