Txina: 5.000 urte
Zeramikaren atala. Lorontzia, aranondo, banbu eta pinuarekin; Ming dinastia; Yongle aldia; Pitxar estalkiduna, lore-diseinuko metalezko saretoarekin; Hilargi flaskoa dragoiekin
Eskulturaren atala. Estela; Liang dinastia
Iruzkinak
Eskulturaren atala. Estela, Sakyamuni eta bodhisattvekin, iparraldeko Wei dinastia
- Izenburua:
- Eskulturaren atala. Estela, Sakyamuni eta bodhisattvekin, iparraldeko Wei dinastia
- Erakusketa:
- Txina: 5.000 urte
- Gaiak:
- Arte orientala | Budismoa | Sinbolismo erijiosoa | Sinesmena | Txina | Sakyamuni
- Artelan motak:
- Eskultura
Eskulturaren tradizioak erro oso sakonak ditu Txinaren historian, gaur ikusi duzun bezala: badaude Neolito garaiko dragoi irudiak, Shang eta Zhou dinastien aldietako brontzezko animaliak, eta Qin, Han an Tang dinastietako terrakotazko hilobi-irudiak, txiki eta handi. K.o. I. mendearen inguruan, budismoa iritsi zen Txinara, Indiatik abiaturik; lehenbizi Zetaren Bidean zehar heldu zen, oasiz oasi, eta geroago Hegoekialdeko Asiatik itsasoz. Doktrina berrian giza itxurako jainko ugari zeuden, eta ondorioz eskultoreek ordura arte ez bezalako irudigintzari ekin behar izan zioten. Horren erakusgarri dugu estela hau; seguruenik, tenplu budista batean ezarri zuten pietate-adierazgarri, atzealdean dohaintza egin zuten 34 pertsonen izenak ageri baitira.
Budismoak bizitzaren oinaze eta sufrimenduetatik askatzeko bidea eskaintzen zuen; budisten ustez, gaitz guztiak datoz berekoikeriazko desiren erruz. Budaren irakaspenen arabera, bizitzaren aurrean jarrera ona hartuz, zuzen jokatuz eta meditatuz, gizakiak Iluminazioa eta Nirvana lor ditzake, hau da, atsekabe eta estuasunez beteriko mundu honetako etengabeko jaiotza-heriotzen ziklotik askatzeak dakarren estasia.
Aurrealdea Sakyamuni Buda ageri da; aurpegikera lasai eta gogoetatsua jakituria traszendentearen isla da. Buru gaineko hanturak maila izpiritual handia adierazten du, eta eskuaren keinu sinbolikoa jendea lasaitzen ari da, zoriontsuak izango direla ziurtatuz bezala. Budaren alboetan, eta tamainaz haren erdia edo direla, bi bodisattva daude: izaki errukitsuak, iluminazioa lortu arren besteen zain geratzea erabaki dutenak.
Hiru irudien gorputzak ia ikusi ere ez dira egiten, erritmo ekinez eta diseinu bikainez tolostutako ehun-multzoak ezkutatzen baititu.