Txina: 5.000 urte
Guan Zilan, L andereñoaren erretratua
Sun Zixi, Tiananmen aurrean
Iruzkinak
Kai Liang, Zuzien desfilea Yan’an-en
- Izenburua:
- Kai Liang, Zuzien desfilea Yan’an-en
- Erakusketa:
- Txina: 5.000 urte
- Gaiak:
- Arte orientala | Artea eta historia | Artea eta politika | Gerra-margoa | Komunismoa | Txina | Yan'an
- Mugimendu artistikoak:
- Errealismo sozialista
- Artelan motak:
- Pintura
- Aipatutako artistak:
- Kai, Liang
Pintura honek Zuzien desfilea Yan’an-en du izenburu. Japoniarrek 1945ean amore eman ostean nekazari eta soldadu komunistek ospatutako garaipen-desfilea erakusten du.
Yan’an komunistek borrokatzeko eta garaitzeko izan zuten urrutiko base menditsua izan zen. Borroka hori, lehenik, japoniarren kontrakoa izan zen. Gero 1940ko hamarkadan nazionalisten kontrako gerra zibil odoltsua etorri zen. Yan’anen hartu zuen Mao Zedongek Alderdiaren zuzendaritza eta bertan egin zuten berak eta beste buru batzuek arte eta literaturari buruzko foruma. Forum horretan adierazi zutenez, beraien borrokak ez zuen arteetarako inolako anbiguotasunik ahalbidetzen. Ez zuten behar grisen, lurdun onen edo Japoniako ofizial gupidatsuen ñabardurarik: zuria eta beltza bakarrik. Nekazari txiroak eta Armada Gorriaren soldaduak beti jator eta on irudikatu behar ziren. Era berean, artistei herriaren zerbitzuan eskuzabaltasunez egon eta gainerako arte-jomuga guztiak uzteko eskatu zieten.
Eskaera horiek alderdiaren doktrina izatera pasatu ziren. Arte modernoa eta tradiziokoa berdinki zigortuak izan ziren. Politika zentralak sobietar ereduan oinarritutako estilo berria ezarri zuen. Artista gazteak Errusiara bidali ziren errealismo sozialista ikasteko. Era berean, tutore errusiarrak bidali ziren Beijing-era.
Emaitza tankera honetako margoetan ezarri zen. Gaiak historikoak ziren eta nekazari eta soldaduak heroi idealizatuen gisan irudikatuak ziren. Beraien aurpegiek literalki osasuntsu eta zoriontsu distira egiten zuten iraultzaren garraren argi gorriaren erdian. Bertan, Kai Liang artistak berrogeiko hamarkadaren bukaerako lan honetan, Yan’ango gizartearen irudi idilikoa margotua du: nekazariak, artistak eta soldaduak, legendazko harmonian elkarrekin bizitzen, inbaditzailearen kontrako borroka bihoztunak loturik.