Txina: 5.000 urte
Eskulturaren atala. Vajrasattva ren gorputz-enborra; Tang dinastia
Pinturaren I. atala. Wang Meng; Etxea Qingbian mendietan; Yuan dinastia; esekitzeko bilkaria; Ni Zan; Sei zaldun, Yuan dinastia; esekitzeko bilkaria
Iruzkinak
Pinturaren atala. Zhao Kui; Du Fu-ren poemen izpirituaren ildotik; hegoaldeko Song dinastia; esku-bilkaria
- Izenburua:
- Pinturaren atala. Zhao Kui; Du Fu-ren poemen izpirituaren ildotik; hegoaldeko Song dinastia; esku-bilkaria
- Erakusketa:
- Txina: 5.000 urte
- Gaiak:
- Arte orientala | Marrazkigintza | Luxua | Song aldia | Txina | Poesia | Boterea
- Teknikak:
- Marrazkia
- Aipatutako artistak:
- Zhao, Kui
XII. mendean, hegoaldeko Sung aldian, aski ezaguna izan zen paisaia pinturen xede lasaigarria, ikuslea pintatutako tokira bertara lekualdatzea helburu zuena. Hemen dugun honetan, Zha Kui artistak, Sung korteko goi mailako ofizialak, naturan barna ibiltzeko gonbidapena luzatzen digu... erreka baten ondoko banbu basoan barna geure nahierara ibiltzeko, urrats bakoitzean naturaren edertasuna deskubritzeko. Ezin dugu dena soaldi bakar batez ikusi; izan ere, egilearen asmoa ez zen hori. Esku-bilkariak ez ziren inoiz ere guztiz zabaltzen, ikusten duzunez; aitzitik, oso aldi bakanetan erakusten ziren, eta halakoetan eskuinetik ezkerrerantz zabaltzen ziren, apurka-apurka, ikusleek arretaz ikusteko. Begiak paisaian zehar darabiltzagun heinean, marrazkiak bertara garamatza: lehenbizi behealdera goaz, banbu basoan zehar doazen bide haizetsuetara, eta han astoak gidatzen ari diren bi zerbitzari aurkituko ditugu... ondoren, zuhaitzak atzean utzita, basoan barna, une batzuez ikustezin, helmugatik gertu azalduko gara, urertzeko pabiloi batean; han gizon bat dago, ur-liliei begira, zerbitzariak abanikoaz haize ematen ari zaiola.
Formatoa oso intimoa da, eta halakoxea zen, halaber, marrazkia gozatzen zuten nobleen adimen-esperientzia ere: bildu eta, lan bikain honen edertasunaz miraz zeudela, ardoa edaten zuten eta poesia idazten.