Txina: 5.000 urte
Pinturaren II. Atala. Bada Shanren; Ahateak eta lotoak; 1696; Hongren; Haitzak eta amildegiak Jiuqin; Qing dinastia; esekitzeko bilkaria
Jin Nong; Paisaia eta irudien bilduma; Qing dinastia
Iruzkinak
Kaligrafia. Zhu Yunming; Haizearen odaren terraza, basa etzanez idatzia (kuang cao); Ming dinastía; Wang Duo; Wang Weiren “Atoiuntza dastatzen...” poemaren transkripzioa, kaishu idazkeran; Qing dinastia
- Izenburua:
- Kaligrafia. Zhu Yunming; Haizearen odaren terraza, basa etzanez idatzia (kuang cao); Ming dinastía; Wang Duo; Wang Weiren “Atoiuntza dastatzen...” poemaren transkripzioa, kaishu idazkeran; Qing dinastia
- Erakusketa:
- Txina: 5.000 urte
- Gaiak:
- Arte orientala | Oreka | Ming aldia | Qing aldia | Kaligrafia | Kaishu | Kuang cao | Txina | Sentimenduak | Subjektibotasuna
- Teknikak:
- Tinta txinatarra
- Artelan motak:
- Kaligrafia
- Aipatutako artistak:
- Wang, Duo | Zhu, Yunming
Txinan, kaligrafia dotoreziaz edo adierazkortasunez idazteko modua baino zerbait gehiago zen; berariazko artea zen, eta alderdi batzuetatik begiratuta pintura bezainbestekoa; bi arteok antzeko ezaugarriak zituzten diseinuan eta pintzel-lanean. Txinan, kaligrafia lantzen dituztenak pinturan ari direnak baino gehiago dira, idazten dakien edonor aritu ahal delako kaligrafian. Hala ere, goren mailako kaligrafoa izateko luze jardun behar da, eta gogotik. Txinatarrek idazkera norberaren nortasunaren isla zela uste zutenez gero, kaligrafia goi mailako jende eskolatuaren artea zen batik bat, nork bere burua lantzeko eta barruko grinak adierazteko tresna. Kaligrafiako lan bati begira jarrita, idazlearen esku-mugimenduak eta pintzelkadak igartzen dira, eta enpatiaren bidez hark izan zuen inspirazioa esperimenta daiteke. Gutxi dira sentimenduak horren azkar komunikatu ahal dituzten arteak
Ez da beharrezkoa txinatarren idazkera irakurtzeko gauza izatea hemen ikusgai dauden bilkarietako kaligrafiaren edertasunaz ohartzeko. Haiei begira jarri eta aski da oinarrizko abiaburu gutxi batzuk gogoan izatea. Karaktere-zutabeak goitik behera eta eskuinetik ezkerrerantz irakurtzen dira. Karaktere bakoitza pintzelkada kopuru jakin batez idazten da, batzuk idazteko hogei ere behar dira, eta pintzelkadak hurrenkera jakin batean eman behar dira beti. Alabaina, trazuak egiteko era eta beraien arteko loturak eta laburdurak aldatu egiten dira idazkera-estiloaren eta idazlearen beraren estiloaren arabera.
Hemen bi idazkera mota daude ikusgai: bata “estandarra” da —trazuak ongi bereizita daude, loturarik gabe, eta karaktere bakoitza berari dagokion alegiazko laukiaren barruan dago—; bestea “basa etzana” da —pintzelkadak bihurriak dira, trazuak elkarren segidan eginda daude, pintzela jaso gabe, eta karaktereek elkarren eremua zapal dezakete—. Azken horren erakusgarri ederra da Ming dinastiako Zhu Yunming maisuak 1523an idatzitako poema-saldoa.