Txina: 5.000 urte
Brontzearen atala. Ontzia; Xia aldia; Pertz karratua (fang ding), ildo-erliebez egindako animalia maskarak eta koskak irudikatzen dituen frisoarekin; Shang aldia
Brontzearen atala. Miniaturako gurdia, gizaki zaindariekin, haietako bat hankamotza, txoriekin eta hartz makurrekin; mendebaldeko Zhou aldia
Iruzkinak
Brontzearen atala. Ontzi karratua, lau aharirekin; Shang aldia
- Izenburua:
- Brontzearen atala. Ontzi karratua, lau aharirekin; Shang aldia
- Erakusketa:
- Txina: 5.000 urte
- Gaiak:
- Artisautza | Arte orientala | Artea eta historia | Sinbologia | Luxua | Shang aldia | Txina | Brontzea | Boterea
- Artelan motak:
- Eskultura-objektua
Ontzi miragarri hau —K.a 2.000 urte inguruan egina, Txinako bigarren dinastia historikoaren garaian, Shang aldian— erronka izan zen, seguruenik, bere garaiko metal-urtzaileen “molde-piezen” ingenuitaterako. Brontzeak zuen potentzialaz oharturik, bestela ontzi arrunta litzatekeena eskultura eiteko pieza liluragarri bihurtu zuten, erpinetan erliebe osoko lau ahari gehitu eta ondoren ontziaren behealdea landurik, harik eta aharien bularralde eta aurreko hankak irudikatu arte; ez zitzaien ahaztu ezta apatxetan arraila egitea ere. Aharien buruen albo bietan adar bihurriko dragoiak daude, ontzian gora balihoaz bezala, pertzaren ertzaz beste aldean ikusteko. Nahiz eta ahariak erraz asko ezagutu ahal badira ere —adar bihurriak eta bizar iletsuak—, dragoiak izaki hibridoak dira —hegazti eta sugearen arteko zerbait—. Beharbada, txinatarrek orduan beren lurraldean bizi zen animaliaren bat hartu zuten inspirazio-iturritzat.
Ontzi honek ageri duen artisautza-lan oso sofistikatua Shang hiriburuaren inguruko iparraldeko brontze-langintzako zentruekin lotu izan da. Alabaina, pieza hau ez da hangoa, hegoaldekoa baizik.