Txina: 5.000 urte
Eskulturaren atala. Bodhisattva baten gorputz-enborra; Liang dinastia
Pinturaren atala. Zhao Kui; Du Fu-ren poemen izpirituaren ildotik; hegoaldeko Song dinastia; esku-bilkaria
Iruzkinak
Eskulturaren atala. Vajrasattva ren gorputz-enborra; Tang dinastia
- Izenburua:
- Eskulturaren atala. Vajrasattva ren gorputz-enborra; Tang dinastia
- Erakusketa:
- Txina: 5.000 urte
- Gaiak:
- Arte orientala | Artea eta erlijioa | Artea eta politika | Budismoa | Tang aldia | Txina | Vajrasattva
- Artelan motak:
- Eskultura
Tenplu budista baten aldare nagusiaren aurrealdean jarrita, vajrasattva baten irudi heroiko hau, Tang dinastiaren gorenaldian egina, Budaren eta beraren jarraitzaileen zaindaria zen. Muskulu teinkatuek eta besoaren mugimendu sendoak beraren indar paregabea adierazten dute; egileak ekintza erdian irudikatu du, gona airean duela, gorputz sendoa Fedea defendatzeko mugitzen ari delako. Dudarik gabe, begi irtenek, hortz tinkatuek eta aurpegiaren keinuak diabruak eta izpiritu gaiztoak uxatzen ditu, edo arazoak sortu nahi dituen nornahi.
K.o. 845 urtean, enperadoreak Txinako tenplu budista guztiak konfiskatu zituen ediktu bidez, eta Elizaren jagolerik sutsuenek ere ezin saihestu izan zuten suntsipena. 40.000tik gora tenplu eta santutegi beheratu zituzten, eta 260.000 bat monje eta serorak uko egin behar izan zioten erlijio-bizitzari. Tang estatua sendo zegoenean, monastegietan diru-kopuru handiak eralgitzea eta haien menpeko lurrak zergetatik aske egotea jasateko prest egon zen. Ordea, VIII. mendearen erdi aldean, dinastia ahuldu zelarik, tolerantzia ere ahuldu zitzaion. Suntsipena eta jazarpena hain izan zen zakarra, ezen egun budisten VII eta VIII. mendeetako eskultura, arkitektura eta pinturaren oso emaitza gutxi ezagutzen baititugu; budistek ez zuten inoiz ere lehengo indarra berreskuratu.