Txina: 5.000 urte
Kaligrafia. Zhu Yunming; Haizearen odaren terraza, basa etzanez idatzia (kuang cao); Ming dinastía; Wang Duo; Wang Weiren “Atoiuntza dastatzen...” poemaren transkripzioa, kaishu idazkeran; Qing dinastia
ATAL MODERNOA. Ren Xiong, Autorretratua
Iruzkinak
Jin Nong; Paisaia eta irudien bilduma; Qing dinastia
- Izenburua:
- Jin Nong; Paisaia eta irudien bilduma; Qing dinastia
- Erakusketa:
- Txina: 5.000 urte
- Gaiak:
- Arte orientala | Artea eta paisaia | Genero-margoa | Merkataritza | Qing aldia | Kaligrafia | Herri-kultura | Txina | Poesia
- Artelan motak:
- Kaligrafia | Pintura
- Aipatutako artistak:
- Jin, Nong
XVIII. mendearen lehen urteetan, Ubide Handiak eta Yangze ibaiak bat egiten duten gunean kokatutako Yangzhou hiri oparoa zen artearen gune nagusia; artistek bertara jo zuten, aberatsen babesaz onuratzeko eta kutur giroan bizitzeko. Yangzhouko artista-babesle eskuzabalenak gatz-merkatari ospetsuak izan ziren; merkatari haiek aberastu berriak ziren eta irrikitan zeuden bere gustu estetikoak erakusteko; horretarako, arte eta literaturako joera aurrerakoienak aldezten zituzten. Artisten erantzunak beren amateurismoa exageratzea eta nortasun oso markatuko estiloak garatzea izan ziren. Jin Nong gehienak baino amateurragoa zen, “Yangzhouko Zortzi Xelebreak” taldekoa bera; izan ere, esaten zuenez, berrogeita hamar urte bete arte ez zen pintatzen hasi.
Beraren lanetan, bilduma honetan kredituetan ikusten den bezala, garrantzi handiagoa ematen dio gustuari teknikari baino. Poesiako gai zaharrak jorratu zituen: bi gizon paseoan zuhaitz artean, gizona xirula jotzen potin batean, jendea ur-gaztainak biltzen urmael batean; marrazteko era haur-estilokoa da nolabait, iradokizunezkoa deskriptiboa bainoago. Jin Nongen kaligrafia bereizia ere antzekoa da: antzinako estiloen jakituria sakona eta naif ikutuak uztarturik; pinturetako inskripzio luzeek bestela falta izango luketen sendotasuna ematen diete pinturei.
XIX. mendearen erdia aldean, Shangaiko merkataritza-portua Txinako merkataritzaren eta artearen bilgunea zen, Yangzhou mende bat lehenago izan zen bezala. Shangain ari ziren artistek atzera begira jarri ziren eta Yangzhouko “xelebreak” hartu zituzten inspirazio-iturritzat; ondorioz, Qing dinastiako lehen aldiko eta erdi aldiko berekoi eta xelebre haien ikuspegia izan da Txinakon pinturaren eredua XX. mendean sartzean.