katalogoa
Emakume gaztea ispiluaren aurrean
- Izenburua:
- Emakume gaztea ispiluaren aurrean
- Erakusketa:
- Van Goghetik Picassora. Thannhauser legatua
- Gaiak:
- Emakumea artean | Artelanak | Lan-prozesua | Teknika eta materialak
- Mugimendu artistikoak:
- Fauvismoa
- Teknikak:
- Marrazkia | Tinta
- Artelan motak:
- Pintura
- Aipatutako artistak:
- Matisse, Henri
Emakume gaztea ispiluaren aurrean (Jeune femme devant un miroir), 1939ko azaroa
Luma eta tinta beltza paper leunaren gainean, 38,1 × 28,4 cm
Thannhauser Bilduma, dohaintza, Justin K. Thannhauser 78.2514.30
Behean ezkerrean sinatua eta datatua, tinta beltzaz: Henri Matisse nov. 39
Ur-marka: J PERRIGOT
Jatorria
Cramer andrea, Paris; Cramer-i Herman C. Goldsmith-ek erosia, New York, 1951; Goldsmith-i Justin K. Thannhauserrek erosia, New York, 1952 (40134. zk.); Thannhauser-ek Solomon R. Guggenheim Foundation-i legatua, New York, 1978, museoarentzako dohaintza-aginduaren, 1963, eta mailegu luzatuaren, 1965, arabera.
Lehenengo erakusketa
Kansas City, William Rockhill Nelson Gallery of Art (gaur egun Nelson-Atkins Museum of Art), Masterworks from the Justin K. Thannhauser Collection, 1955eko ekainaren 1etik irailaren 1era (ez zen katalogorik egin).
Materialak eta prozedura
Tintaz egindako lan honetan —Henri Matisse Nizako Cimiez auzoko Hôtel Réginan zegoela egina—, ispilu batean islatzen den emakume baten azterlan bizkorra egin zuen artistak; askotan irudikatutako gaia izan zen hori1. Azterlan horretan irudikatutako ispilu berbera ikus dezakegu Matisseren isla alde batera begira harrapatuz 1942ko argazki batean.
Aurreko marrazki batean bezala, hain zuzen Gizon biluzia zutik, ca. 1900. urtea, Matissek itxuraz txinatar tinta hautatu zuen lerro beltz uhindunak eta uniformeki ilunak egiteko. Krema-koloreko bahe biribileko marrazketa-papera erabili zuen, Frantzian egina, Arches paper-fabrikan. Azaleko testura moderatua da, eta marrazkia amaitu eta gero eskuinaldea moztu egin zen, seguru asko. Bazterretan dekolorazioa ikusten da, aurretik denbora luzean kalitate eskaseko markoztatze materialekin kontaktuan egotearen ondorioz. (JW)
[Itzulpena: Rosetta;
Egokitzapena: Guggenheim Bilbao Museoa]
Oharrak
- Hemen aipatzen den bezala Vivian Endicott Barnett, The Guggenheim Museum: Justin K. Thannhauser Collection lanean, Solomon R. Guggenheim Foundation, New York, 1978, 100. or. [itzuli]