Edukira zuzenean joan

Van Goghetik Picassora. Thannhauser legatua

katalogoa

Mahaitxoa 

Izenburua:
Mahaitxoa 
Argitalpena:
Bilbao: Guggenheim Bilbao, 2018
Neurriak:
23 x 30 cm
Orrialdeak:
175 or.
ISBN:
978-84-95216-86-1
Lege gordailua:
BI-1416-2018
Erakusketa:
Van Goghetik Picassora. Thannhauser legatua
Gaiak:
Artelanak | Kolorea | Lan-prozesua | Teknika eta materialak
Mugimendu artistikoak:
Kubismoa
Teknikak:
Akuarela
Artelan motak:
Pintura
Aipatutako artistak:
Picasso, Pablo

Mahaitxoa (Le guéridon), Paris, 1922ko abenduak 24
Akuarela grafito gainean, paper berjuratu gainean,
16,4 × 10,4 cm
Thannhauser Bilduma, dohaintza, Justin K. Thannhauser 78.2514.52
Behean eskuinean sinatua, akuarela grisez (1952an): Picasso; atzealdean, goian erdian, akuarela urdinez datatua: 24 Decembre / 1922
Ez du ur-markarik

Jatorria

Artistari Galerie Louise Leiris-ek erosia (D.-H. [Daniel-Henry] Kahnweiler, jabea), Paris, 1952; Kahnweiler-i Jaray andreak erosia, Londres, 1953ko urriak 25. Buchholz Gallery (Curt Valentin, jabea), New York (arg. zk.: L4193); Valentin-engandik Justin K. Thannhauserrek eskuratua, New York, 1955 baino lehen (zk.: 40170); Thannhauserrek Solomon R. Guggenheim Foundation-i legatua, New York, 1978, museoarentzako dohaintza-aginduaren, 1963, eta mailegu luzatuaren, 1965, arabera.

Materialak eta prozedura

Pablo Picasso 1922ko abuztuan iritsi zen Parisera, uda Dinard-en igaro ondoren bere familia gaztearekin. Udazken hartan Municheko Moderne Galerie/Thannhauser galerian berrogeita bost lan erakutsi ondoren, guéridon (mahaitxo biribila) bati buruzko estudio txiki hau sortu zuen akuarelaz, natura hilarekin1. Lan honetan eta beste natura hil batzuetan [ikus Mahaia leiho aurrean (Table devant la fenêtre), 1922] nabarmen diren kubismo sintetikoaren forma geometrikoak eta kolore biziak landu zituenean ere, Picassok neoklasizismoa aztertzen jarraitu zuen, erretratuetan bereziki [ikus Emakumea besaulkian (Femme dans un fauteuil), 1922]2.

Mahaitxoa lanak zirriborro bizkorraren itxura badu ere, Picassok oso kontuz sartu zuen konposizioa grafitozko arkatzez. Lerro horiek, gaur egun akuarelaren azpian ezkutatuak, aldez baino ez dira hautematen infra-gorrizko erreflektografian. Marrazkiaren perimetroaren inguruko forma kurbatu urdin argia ere grafitoz marraztu zen hasiera batean. Picassok akuarela beltzeko pintzelkadak aplikatu zituen grafitozko lerro batzuk indartzeko eta hainbat forma betetzeko. Gainerako koloreak akuarela beltza lehortu ondoren erantsi zituen. Osagai beltzetako batzuen gainean akuarela-geruza berde argiak gainjarriz, Picassok forma berde ilunak sortu zituen berde argiko ur-koloreen alboan. Antzeko efektua lortu zuen akuarela marroiarekin ere. (JW) 

[Itzulpena: Rosetta;
Egokitzapena: Guggenheim Bilbao Museoa]

Oharrak

  1. Marrazki hau lan honetan aipatzen da: Christian Zervos, Pablo Picasso, 30. alea, Cahiers d’art, Paris, 1975, 425. zk., 135. lam. (izenburu honekin: Nature morte sur une table ronde). [itzuli]
  2. Magdalena Dabrowski, “75. Harlequin”, in Picasso at The Metropolitan Museum of Art, argit. Gary Tinterow eta Susan Alyson Stein, erak. kat., Metropolitan Museum of Art, New York, 2010, 206-208. or. [itzuli]

 

PDF-a JAITSI