Edukira zuzenean joan

Artea eta Txina 1989 ondoren: Munduaren antzerkia

katalogoa

First Guangzhou Triennial: Reinterpretation: A Decade of Experimental Chinese Art (1990–2000)

Anthony Yung eta Jane Debevoise

Izenburua:
First Guangzhou Triennial: Reinterpretation: A Decade of Experimental Chinese Art (1990–2000)
Egilea:
Anthony Yung eta Jane Debevoise
Argitalpena:
Bilbo: Guggenheim Bilbao Museoa, 2018
Neurriak:
29 x 24 cm
Orrialdeak:
171
ISBN:
978-84-95216-84-7
Lege gordailua:
BI 238-2018
Erakusketa:
Artea eta Txina 1989 ondoren: Munduaren antzerkia
Gaiak:
Emakumea artean | Erakusketak | Memoria | Kultura eta globalizazioa | Talde-memoria
Mugimendu artistikoak:
Arte Kontzeptuala
Artelan motak:
Bideoa | Eskultura | Instalazioa | Performance | Pintura
Aipatutako artistak:
Cai, Guo-Qiang | Cao, Fei | Chen, Zhen | Chen, Shaoxiong | Ding, Yi | Geng, Jianyi | Gu, Dexin | Huang, Yong Ping | Liang, Juhui | Lin, Yilin | Qiu, Zhijie | Song, Dong | Wang, Gongxin | Wang, Guangyi | Wang, Jianwei | Wang, Youshen | Xu, Bing | Xu, Tan | Zhang, Peili | Zhou, Tiehai

Guangdongeko Arte Museoa, Guangzhou
2002ko azaroak 18–2003ko urtarrilak 19

Artistak: 140 artista eta talde inguru, haien artean Cai Guo-Qiang, Cao Fei, Chen Shaoxiong, Chen Zhen, Ding Yi, Geng Jianyi, Gu Dexin, Huang Yong Ping, Liang Juhui, Lin Yilin, Qiu Zhijie, Song Dong, Wang Gongxin, Wang Guangyi, Wang Jianwei, Wang Youshen, Xu Bing, Xu Tan, Zhang Peili eta Zhou Tiehai

Komisarioak: Wu Hung, Feng Boyi, Huang Zhuan eta Wang Huangsheng-ekin

Antolatzaileak: Guangdong-eko Arte Museoa, Guangzhou

Argitalpena: The First Guangzhou Triennial: Reinterpretation; A Decade of Experimental Chinese Art (1990–2000), Art Media Resources, Chicago; Guangzhou: Guangdong-eko Arte Museoa, 2002, Wu Hung-en argit., Wang Huangsheng eta Feng Boyi-rekin, 545 orri; ingelesezko eta txinerazko edizioak

 

2000ko hamarkadan arte garaikidea hein batean normaldu zelarik, Txinako erakusketa batzuek itzuli historiko bat egin zuten1, besteren artean Long March. Reinterpretation: A Decade of Experimental Chinese Art (1990– 2000) izenekoak, zeina Guangzhouko Lehen Trienala zela-eta antolatu baitzen, eta berebat izan zen atzera begirakoa. Erakusketa hark 1990eko hamarkadako Txinako arte esperimentalaren panorama bat eskaini zuen, eta hona zer esan zuen Wu Hung komisarioak: “Sen tragiko sakon bat ikusten dut Txinaren historia klasikoan eta modernoan. Historia beti hautsia da, eta galera-sentsazio bat dago beti. Gauzak behin eta berriz suntsitzen dira, berregiten dira eta ostera ere suntsitzen dira. Hautsitako gauzez eta hausturez betea dago historia. Litekeena bada ere haustura horiek nolabaiteko sormena eragitea, jarraitasun-faltako ondare bat uzten dute, haustura moduko bat. Nik uste dut jarraitasun-sen bat sortzea dela erakusketa honen xede nagusia […] etorkizunaren aldeko zubi txiki bat sortzea2.

Dimentsio handiko erakusketa izan zen eta Guangdongeko Arte Museoan egin zen; era askotako bitartekoz egindako obrak aurkeztu ziren hartan, besteak beste pintura, eskultura, instalazioa, bideoa eta performancea. Bai erakusketa, bai katalogoa, hiru gairen inguruan antolatu ziren: “Memoria eta errealitatea”, “Nia eta ingurua” eta “Globala dena eta lokala dena”. Laugarren sail bat ere izan zen, “Esperimentazioak aurrera jarraitzen du” izenekoa, eta eskaeraz egindako hamalau lan berri aurkeztu ziren, haien artean Huang Yong Ping-en Saguzarra proiektua II (Bat Project II). Oparotasunez ilustratutako katalogoan, besteak beste, gai hauek landu ziren: kontzeptualismoa, pintura, eskultura, argakigintza, bideoa, dokumentalak, zinema, emakumeen artea eta babes-sistema instituzionalak. Txineraz eta ingelesez argitaratua, eginahal esplizitua izan zen esparru honetan jakintza aditu berri batera heldu ahal izateko oinarri bat sortzeko, “obren interpretazio sistematiko bat beren testuinguru artistiko, kultural, sozial eta politikoan” eskaintzen baitzuen3.

Wu Hung, Chicagoko Unibertsitateko artearen historiako katedraduna, Wang Huangsheng, une hartan Guangdongeko Museoko zuzendaria, eta Huang Zhuan eta Feng Boyi kritikariak eta komisarioak izan ziren erakusketaren komisarioak. 1999an Transience: Chinese Experimental Art at the End of the Twentieth Century antolatu zuen Wu-k Chicagoko Unibertsitateko David and Alfred Smart Museum of Art-en. Txinan 1990eko hamarkadan bizi ziren artisten praktika bazterrekoez Estatu Batuetan egin zen lehen analisi sistematikoa izan zen. Erakusketa haren ondoren, beste bat egin zen hurrengo urtean Smart Museum-en, Canceled: Exhibiting Experimental Art in China, abiapuntu gisa 1998ko It’s Me! erakusketa hartuta, zeina txintar agintariek inaugurazioaren bezperan itxiarazi baitzuten. Canceled hark arte esperimentalaren eta Txinako erakusketen aukezpenaren egoera ahula azpimarratzen zuen, Wildlife, Trace of Existence, Post-Sense Sensibility eta Infatuated with Injury azpimarratuz adibide gisa. Bi erakusketa haiek zirela-eta argitaratu ziren liburuak, Guangzhouko lehen Trienalean kaleratu zen katalogoaren batera, funtsezko baliabideak dira oraindik ere 1990eko hamarkadako arte txinatarra aztertzen dutenentzat.

2000ko hamarkadan antolaturiko beste erakusketa historikoen beste adibideen artean, honako hauek dira bereziki aipagarriak: Gao Minglu-ren The Wall: Reshaping Contemporary Chinese Art, 2005; Retrospective Exhi­bition of the No Name Group, 2007, eta Apartment Art in China, 1970s–1990s (2008), Fei Dawei-ren 85 New Wave: The Birth of Chinese Contemporary Art, 2007, eta Huang Zhuan-ek antolatu zituen banakako erakusketak, Zhang Peili eta Wang Jianwei-rentzat (2008), 2008, Wenda Gu-rentzat (2010), eta Xu Tan-entzat (2011)4.

[Itzultzailea: Rosetta;
Egokitzapena: Guggenheim Bilbao Museoa]

Oharrak

  1. Ikus Wu Hung, “Entering the New Millennium”, hemen: Wu, Primary Documents, 404–06. or. [itzuli]
  2. Guangzhouko Lehen Trienalaren batzorde antolatzailearen foroa (txineraz bakarrik). [itzuli]
  3. Wu Hung, “Introduction: A Decade of Chinese Experimental Art (1990–2000)”, hemen: The First Guangzhou Triennial: Reinterpretation; A Decade of Experimen­tal Chinese Art (1990–2000), argit. Wu Hung, Wang Huangsheng eta Feng Boyi, erak. kat., Art Media Resources, Chicago; Guangdong-eko Arte Museoa, Guangzhou, 2002, 18. or. [itzuli]
  4. Gao Minglu-ren The Wall: Reshaping Contemporary Chinese Art erakusketa (2005 Pekineko Millennium Art Museum-en eta Buffalo-n, New York, aurkeztu zen; azken horretan hiru egoitzetan ipini zen: Albright-Knox Art Gallery-n, University at Buffalo Anderson Gallery-n eta University at Buffalo Art Gallery-n, Center for the Arts-en; Retrospective Exhibition of the No Name Group erakusketa (2007), Zendai Museum of Modern Art-en, Shanghain; Apartment Art in China, 1970s–1990s erakusketa (2008), Shuimu Art Space-n, Pekinen; Fei Dawei-ren ’85 New Wave: The Birth of Chinese Contemporary Art erakusketak inauguratu zuen Pekineko Ullens Center for Contemporary Art (2007); eta Huang Zhuan-en banakako erakusketak Shenzhen-eko OCATen egin ziren, haren zuzendaria izan baitzen, hil zen arte, 2016an. [itzuli]

PDF-a JAITSI