katalogoa
Valentine de Saint-Point
Adrien Sina
- Izenburua:
- Valentine de Saint-Point
- Egilea:
- Adrien Sina
- Argitalpena:
- Bilbo: FMGB Guggenheim Bilbao Museoa eta Editions du Centre Pompidou, 2021
- Neurriak:
- 22,5 x 30
- Orrialdeak:
- 350
- ISBN:
- 978-84-95216-93-9
- Lege gordailua:
- BI-01621-2021
- Erakusketa:
- Emakumeak abstrakziogile
- Gaiak:
- Emakumea artean | Generoa eta sexualitatea | Artea eta kultura | Artea eta literatura | Artea eta politika | Artea eta psikologia | Artearen historia | Ibilbide artistikoa | Lan intelektuala | Sorkuntza artistikoa | Geometria | Créteilko Abadia taldea | Feminismoa | Kolonialismoa | Montjoie! aldizkaria | Phoenix aldikaria | Kultura | Dantza | Egipto | Poesia | Auguste Rodin | Filippo Tommaso Marinetti | Gerda Wegener | Gino Baldo | Léon Bakst | Morgan Russell | Valentine Hugo | Vivian Postel du Mas | Djuna Barnes | Jean-Martin Charcot | Ricciotto Canudo | Sigmund Freud | Desira | Giza harremanak | Lizunkeria
- Mugimendu artistikoak:
- Futurismoa
- Artelan motak:
- Ilustrazioa | Performance
- Aipatutako artistak:
- de Saint-Point, Valentine
1875, Lyon (Frantzia) – 1953, Kairo (Egipto)
Valentine de Saint-Point, arima aristokratikoko poeta, arbasoak San Luis Ordenako Zaldunak zituena —Poèmes d’orgueil (Harrotasunezko poemak, 1908) bere liburuko bertsoetan berpizten direnak, zeina, bide batez, Créteilko Abadia taldearen lehenengo argitalpen femeninoa izan baitzen—, emakume futurista bakarra da eta mugimendu horren sortze aldiko frantses bakarra. Théâtre de la Femme (Emakumearen antzerkia, 1909) liburuan emakume modernoaren ikuspegi berri bat eskaini zuen. Haren Trilogie de l’amour et de la mort (Maitasunaren eta heriotzaren trilogia, 1906) eta Une femme et le désir (Emakume bat eta desira, 1910) liburuek emakumeek desira femeninoaren psikologia berreskuratu izana sinbolizatzen dute, Jean-Martin Charcotek edo Sigmund Freudek patologiara edo histeriara murriztuta utzia zuten puntuan, hain zuzen. L’Âme impériale ou L’Agonie de Messaline (Arima inperiala edo Mesalinaren agonia, 1907–29) botere femeninoaren sexualizazio politikoari buruzko gogoeta bat da.
Mugimendu futuristaren zuzendaritzako kidea zenez, non pintura, eskultura eta poesia bezalako diziplina artistiko klasikoak ordezkatuta baitzeuden, artistak esparru berri bat inauguratu zuen: ekintza femeninoa (Action féminine). Filippo Tommaso Marinettiren manifestu futuristako emakumearen erdeinuari erantzunez, eta, gizonezkoen eskubideak imitatzera mugatzen zelako, De Saint-Pointek gaitzesten zuen feminismoarekin kontrastean, ikuspegi horrek esku hartze artistikoa alor ugarietara zabaltzen uzten zion, zibilizazioari buruzko ekintza politikotik hasi eta haragitasuneraino: lujuriaz artelan bat egitea.
Gai horiek bere Emakume futuristaren manifestuko (1912) eta Lizunkeriaren manifestu feministako (1913) sortze-ideiak izan ziren, eta erabateko proiektu artistiko bat elikatzen zuten, Métachorie, jatorri geometrikoko eta esoterikoko abstrakzio dantzatu bat. 1914an Montjoie! aldizkariak, haren maitale Ricciotto Canudok zuzenduak, ale bat eskaini zion dantza garaikideari, Auguste Rodinen hitzaurrearekin. Valentine de Saint-Pointek leku gailen bat izan zuen han, eta makina bat debate teoriko gurutzatu ziren haren marrazki propioekin, bai eta Morgan Russellek, Gerda Wegenerek, Gino Baldok, Vivian Postel du Masek, Valentine Hugok eta Léon Bakstek haren dantzez egin zituzten ilustrazioekin ere.
Djuna Barnesekin New Yorken 1916an egindako elkarrizketan Valentine de Saint-Pointek imajinatzen zuen Métachorieko tenplu hura, eliteen eta masen arteko adiskidetzearen lekua, 1923an hasi eta Ekialdeko eta Mendebaldeko eliteak bildu behar zituen “Collège des élites”-en aitzin-irudi bat da. Egiptora abiatu baino lehentxeago, Individualisme et fraternité (Indibidualismoa eta anaitasuna) argitaratu zuen, haren pentsamendu osoari koherentzia eman ziona. Kairon Le Phoenix aldizkari geopolitikoa sortu zuen, Ekialdearen eta Mendebaldearen arteko batasuna xede zuena, ez armen eta kolonialismoaren abusuen bitartez, berpizkunde kulturalaren bitartez baizik.
[Itzulpena: Rosetta Testu-Zerbitzuak, SL]