katalogoa
Alexandra Exter
Elitza Dulguerova
- Izenburua:
- Alexandra Exter
- Egilea:
- Elitza Dulguerova
- Argitalpena:
- Bilbo: FMGB Guggenheim Bilbao Museoa eta Editions du Centre Pompidou, 2021
- Neurriak:
- 22,5 x 30
- Orrialdeak:
- 350
- ISBN:
- 978-84-95216-93-9
- Lege gordailua:
- BI-01621-2021
- Erakusketa:
- Emakumeak abstrakziogile
- Gaiak:
- Emakumea artean | Artea eta hezkuntza | Artearen historia | Ibilbide artistikoa | Esperimentazio artistikoa | Kritika | Sorkuntza artistikoa | Kolorea | Mugimendua | Eszenografia | Jantzi-diseinua | Jantziak | Lankidetza artistikoa | Pinturagintza | Diamante-Txota taldea | Gazteriaren Batasuna elkartea | Académie de la Grande Chaumiere | Académie Moderne | Moskuko Ganbera Antzokia (Kamerny) | Der Sturm galeria | Erbestea | Errusiako Iraultza | Nazioarteko Erakusketak | Atelie moda-aldizkaria | Antzerkia | Errusia | Mosku | Frantzia | Paris | Italia | Erroma | Kiev | Ardengo Soffici | Fernand Léger | Georges Braque | Guillaume Apollinaire | Max Jacob | Pablo Picasso | Vera Mukhina | Alexander Tairov | Boris Gladkov | Bronislava Nijinska | Jakov Protazanov | Jakov Tugendhold | Giza harremanak | Bidaiak | Zinema | Zientzia-fikzioa
- Mugimendu artistikoak:
- Arte Abstraktua | Futurismoa
- Artelan motak:
- Kokapen zehatzerako artea
- Aipatutako artistak:
- Delaunay-Terk, Sonia | Exter, Alexandra
1882, Białystok (Errusiako inperioa) – 1949, Fontenay-aux-Roses (Frantzia)
Alexandra Exter (ezkongai zela Grigorievich) Kieven hazi zen. 1901ean bertako arte eskolan matrikulatu zen, nahiz bere bidaietan zehar ere bere burua prestatzen aritu zen. 1907tik 1914ra bitartean Kiev, Mosku eta Paris artean eginiko joan-etorrietan, Exterrek funtsezko zeregina izan zuen oraintsuko esperimentu piktorikoak Frantziaren, Italiaren eta Errusiaren artean transmititzen. Parisen, Grande Chaumièren ikasle zela hasieran, Guillaume Apollinairerekin, Pablo Picassorekin, Georges Braquerekin, Max Jacobekin eta Sonia Delaunay-Terkekin harremanetan jarri zen; geroago harremana izan zuen Ardengo Sofficirekin eta Fernand Légerekin. Independenteen Saloian, Section d’oreko erakusketan (1912) eta Erromako Futurismoaren Nazioarteko Erakusketan (1914) aurkeztu zituen obrak. Kieven bi erakusketa garrantzitsu antolatu zituen, Le Maillon (1908) eta L’Anneau (1914), eta, bitartean, haren lantegia, 1917tik aurrera, poetak, zinemagileak, artistak eta kritikariak erakarriko zituen irakaskuntza- eta debate-leku ezinbesteko bilakatu zen. Moskun eta Petrogradon, Diamante Txota eta Gazteriaren Batasuna elkarteekin jarri zuen bere obra ikusgai; 1915–16an Tramway V eta Magasin erakusketa futuristetan parte hartu zuen. 1917an Diamante Txotak erakusketak Exterren 100 obrako atzerabegirako bat aurkeztu zuen.
Exterek garai hartan esperimentatu zuen abstrakzio dinamikoak aplikazio-eremu ezezagun bat aurkitu zuen antzerkian, Alexandre Tairoven ikuskizunetarako bere dekoratuekin eta jantziekin Moskuko Ganbera Antzokian (Kamerny): Famira Kifared (1916), Salome (1917), Romeo eta Julieta (1921). Exterek uko egin zion dekoratu pintatuen estatikotasunari eta koloretako plano mugikorrekin ordezkatu zituen, eszenaren bertikaltasuna eta arkitektonika esploratu zituen, eta jantziak kolore mugikorren gisa planteatu zituen.
1917ko Iraultza boltxebikea eta berehala, Exterek proiektu publikoei ekin zien: Kiev eta Odessa hiriak ospakizun iraultzailetarako apaindu zituen bere ikasleekin (1919) eta Vera Mukhina eskultorearekin eta B. Gladkov arkitektoarekin batera bi pabiloi sortu zituen nekazaritza, industria eta eskulangintzako erakusketa panerrusiarrerako (1923). Exterek arropa berriei buruzko debateetan parte hartu zuen, Atelie (1923) moda-aldizkarian lankide izan zen eta berak sortu zituen 1924an Jakov Protazanoven Aelita zientzia fikzioko filmeko jantzi bitxiak.
Jakov Tugendhold arte-kritikariak haren obra txalotu zuen 1922ko monografia batean, baina haren obrak gero eta onarpen gutxiago zuen. 1924an Exterek SESBetik ihes egin zuen eta bizilekua Parisen hartu. Légerek gonbidatuta, Académie De L’art Modernen erakutsi zuen, Bronislava Nijinska dantzariaren balletetan elkarlanean aritu zen Londresen, 1930ean antzerkiko bere dekoratuei buruzko album bat argitaratu zuen, eta ez zion utzi egitera iritsi ez ziren ikuskizunetarako proiektu abstraktuak asmatzeari. Exterek antzerkiari buruzko nazioarteko erakusketa garrantzitsuetan parte hartu zuen, bai eta Machine-Agen (Steinway Hall, New York, 1927) eta Cubism and Modern Arten (Museum of Modern Art, 1936) ere. Haren antzerkirako obraz hainbat erakusketa monografiko egin ziren: Galerie Der Sturmen (Berlin, 1927), Claridge Galleryn (Londres, 1928), Galerie des Quatre Cheminsen (Paris, 1930) eta Pragako Arte Dekoratiboen Museoan, 1937an.
[Itzulpena: Rosetta Testu-Zerbitzuak, SL]